v    يعنى ايه حساسيه البان:

• هى رده فعل غير طبيعيه لجهاز المناعه ضدر بروتين اللبن

• علشان نقول حساسيه لابد من توفر شرطين:

ü ان الاعراض نتيجه بروتين اللبن

ü ان الأعراض تتحسن مع منع اكل اللبن منتجاته وترجع تانى لو اكلت لبن او منتجاته 

v  انواع الحساسية :

يوجد نوعين من حساسيه الألبان حسب سرعه رد جهاز المناعه وسرعه ظهور الأعراض:

•  النوع الأول أسمه النوع الفورى او السريع (IgE )  والأعراض بتظهر خلال ساعتين من أكل أو شرب اللبن

•  النوع الثانى أسمه البطئ  ( Non IgE)والأعراض بتظهر بعد ساعتين حتى ثلاث أيام من أكل أو شرب اللبن

v   مدى انتشار الحساسية :

حساسيه أللبان بتحصل فى طفل من كل 50 طفل يعنى من كل 50 طفل سليم فيه طفل عنده حساسيه ومن كل 100 طفل سليم فيه طفلين عندهم حساسيه

v  طيب ليه بنشوف حالات حساسيه كتير اوى كده :

التشخيص بيكون غلط او تشخيص مستعجل الأحصائيات بتقول ان الأطفال اللى بيجوا بأعراض تبه الحساسيه حوالى 13 طفل من كل 100 طفل  ..  واللى بيطلع عندهم حساسيه هم 2 بس ففيه 11 طفل متشخص غلط ( بس تقول لمين ومين بسمع ؟!)

v يعنى ايه عدم تحمل لاكتوز:

•  هو مش حساسيه وإنما عدم قدره الجهاز الهضمى على هضم وإمتصاص سكر اللبن (اللاكتوز) نتيجه نقص فى انزيم اللاكتاز والنتيجه مغص وإسهال وإنتفاخات وغازات وإلتهابات حفاظه للطفل

•  هو مرض نادر الحدوث جدا فى الأطفال اللى اقل من سنتين ( ما تستعجلوش فى التشخيص ابدا ابد ابدا ) لذلك مفيش حد يستعجل ويقف الرضاعه الطبيعيه أو يغيير اللبن الى لبن خالى اللاكتتوز    ( تصرف غلط يؤدى إلى تحسن وقتى بس بيكون فيه رده فعل من الجهاز المناعى خلال فتره بسيطه 

v اعراض الحساسية :

•   تظهر الأعراض مابين عمر تلات الى ست شهور بس ممكن تظهر بدرى أوى ( خلال اسبوع من الولاده) وممكن تتاخر لغايه عمر تسع شهور

•   الأعراض هى:

1.  الأعراض السريعه الفوريه (االى بتظهر خلال ساعتين) من شرب أو اكل الألبام او منتجاتها

   (الأعراض غالبا تكون بسيطه بس فى حالات قليع تكون شديده وممكن توصل لصدمه تحسسيه)

•   جلديه: الأرتيكاريا والهرش وتورم الوجه والشفايف وجفون العين       ( أنظر الصوره)

•   جهاز هضمى: وجع البطن والمغص الشدديد والترجيع (شديد و متكرر ) والإسهال

•   تنفسيه: صعوبه فى التنفس- تزيق الصدر- الكحه- الرشح –سيوله الأنف او إنسداده- إحمرار العين ودعك وحكه العين

•   أعراض عامه: النعاس والدوخه والشحوب (لونه مخطوف)

2. الأعراض المتأخره ( تظهر بعد ساعتين إلى ثلاث أيام) وهى

•أعراض جهاز هضمى:

ü دم في البراز فى طفل سليم وحالته
العامه كويسه  (بيكون نتيجه إلتهاب فى
المستقيم والقولون)

ü الترجيع ( مع تقوس الظهر والصراخ)

ü رفض الأكل والنفور منه.

üصعوبه البلع 

üالإسهال: غالبا ما يطول

üإمساك

üالطفل يكون مريض والحاله العامه مش

كويسه: تأخر ظهور الترجيع والإسهال..

ملحوظه: أعراض الحساسيه فى الشدة من طفل سليم يعاني من براز دموي إلى طفل مريض بصدمة بعد القيء والإسهال الشديد (FPIES).

 • أعراض جلديه:

  الأكزيما: وتأخذ 3 أشكال  مختلفة:

1. بداية فورية (غير أكزيمائية)

2.ردود فعل اكزيمية متفرقة (اشتعال) بعد ساعات أو أيام

3. تفاعلات مختلطة: توهجات اكزيمية عقب تفاعل حاد

v   هل حساسيه الالبان مرض خطير:

لا إطلاقا  .. معظم الحالات بتتحسن  مع الوقت , بس نخلى بالنا برضه إن فى نسبه صغيره ممكن يكون عندها صدمه تحسسيه ودى خطيره وفيه نسبه برده الأعراض ممكن تكون شديده لدرجه تدخل الطفل فى سوء تغذيه

v    هل الطفل المتحسس للالبان ممكن يتحسس لانواع تانيه من الاكل

أيوه خاصه الصويا فى  (   )  و البيض فى (   ) واللحوم الحمراء فى (   ) بس خلى بالك دى حساسيات منفصله  وتشخيصها برضه بالمنع والتحدى

v    تشخيص الحساسية

يعتمد التشخيص مبدئيا على وجود أعراض تخلينا نشك بالحساسيه وهذه الأعراض تتحسن بالمنع وترجع بالإدخال مع إستبعاد الأسباب الأخرى اللى ممكن تيجى بنفس الأعراض

بالنسبه لنوع الحساسيه الفورى (  Non IgE  ) ممكن عمل إختبار الوخز أو تحليل الدم للحسايه الألبان ممكن تكون إيجابيه وده بيشخص الحساسيه بعد إستبعاد الأسباب الأخرى

v     علاج الحساسية

تقوم فكره علاج الحساسيه على اربع افكار أساسيه ..

1.  منع الألبان ومنتجات الألبان من دخول جسم الطفل ( سواء أكل أو شرب أو شم أو لمس)

ü  اذا كان الطل يرضع طبيعى: تمنتع الأم عن منتجات الألبان فى أكلها وشربها

ü إذا كان يرضع صناعى

üإذا كان بدأ الفطام وبدأ ياكل

2. علاج الأعراض المصاحبه للحساسيه: مثل الإرتجاع- المغص- إلتهاب الحفاظه ألخ

3. الإهتمام بالحاله الصحيه للام من ناحيه التغذيه والفيتامنات

4. إدخال الطعام للطفل بشكل صحيح لمنع حدوث حساسيات اخر ومنع دخول الطفل فى سوء تغذيه

v  هل الاطفال بيخفوا من الحساسية:

 أيوه نسبه الشفاء عاليه .. معظم الحالات بتتحسن

50% من الأطفال اللى عندهم حساسيه بيتحسنوا عند عمر سنتين

80-90% (اربعه من خمسه أطفال) اللى عندهم حساسيه بيتحسنوا عند سن دخول المدرسه

v     هل اخوات الطفل اللى بعده ممكن يجى ليهم حساسيه

ü للاسف نسبه تكرار الحسايه أعلى فى حاله وجود أحد فى العيله عنده حساسيه    ( الأخ- الأخت- الأب- الأم)  .. النسبه دى بتكون (  20-40%  ) لو أحد الأباء عنده حساسيه وبتكون(25-35% ) لو أحد الأخوات عنده حساسيه  وبتكون (40-60% ) لو الأب والأم مصابين بالحساسيه

ü ملحوظه: كلمه مصابين بالحساسيه معناها

حساسيه أنف – حساسيه جيوب أنفيه – حساسيه صدر- حساسيه جلديه – أو حساسيه طعام   

v هل فيه حاجات تقول ان الطفل اللى عنده حساسيه حتستمر معاه فتره طويله predictors

•  أيوه فيه حاجات تخلينا نقول إن الحساسيه حتستمر فتره حتطول زى

ü لو رده فعل جهاز المناعه سريعه.

ü  لو بيتحسس حتى من المخبوزات اللى فيها لبن.

ü اللى عنده حساسيه متعدده ( خاصه حساسيه البيض).

ü اللى عنده حساسيه صدر أو حساسيه أنف. 

üلو أختبار الدم للحساسيه طاع عالى أو اختبار الوخز طلع كبير؟

كل الحاجات اللى فاتت تقول أن الحساسيه مطوله شويه ومفيش داعى للإدخال المبكر .

vامتى احول الحاله لدكتور حساسيه وجهاز هضمى

أنا بانصح مبدئيا أن كل الحالات تتشخص عن طريق دكتور متخصص ومتمرس فى حسايه الألبان وبعد التشخيص الصح الأمور بتكون سهله وبسيطه ..